اجعلوه اسبوع الحسم مع كورونا ياعرب -- بقلم الاعلامية المصرية سماح حسين

الاعلامية سماح حسين 

الاسبوع القادم  والذى يبدأ باكر السبت .. هو اهم اسبوع هيعدي على مصر والسعودية وكل الدول العربية في ازمة كورونا الحالية …
كل الدول اللي سبقتنا .. الفايروس انتشاره انفجر في الاسبوع الثالث .. و خرج عن السيطرة في الاسبوع الرابع ..

ولذلك فالاسبوع الثالث بتاعنا هو الاختبار الحقيقي … و اللي هيحصل سيناريو واحد من اثنين …

السيناريو الاول : الناس هتستمر في الاستهانة بالموضوع .. و هيستمروا في اقناع نفسهم ان الموضوع بعيد و عند الناس التانيين و هيستمروا في الاهمال و التعامل مع الموضوع على انه حرب اعصاب ..
و انهم انصح من كل اللي حواليهم …
السيناريو ده هيكون معناه ان اللي هيتصاب هيعدي كل بيته و جيرانه .. و حتى اللي واخد احتياطاته هتبقى معركته اصعب و حمايته اصعب .
ده نفس السيناريو اللي حصل في ايطاليا .. الناس خدت اجازات .. نزلت المولات و عملوا تجمعات ..
وحاليا بيتم اختيار الناس اللي هتاخد مكان على اجهزة التنفس الصناعي بالقرعة و الباقي هو و حظه.

السيناريو الثاني : ان الناس تفهم خطورة الموقف .. و اللي عارف يقول للي مش عارف .. و اللي فاهم يقول للبسيط .. و اللي عنده سلطة ينفذها و يجبر الناس اللي يقدر عليهم انهم يلتزموا .
السناريو ده .. هو سيناريو الوعي .. ده نفس السيناريو اللي بيطبق في الصين .. الدولة المصدر … نفس السيناريو اللي خلى مقاطعة ووهان اللي كانت هي المنبع .. انها تحتفل من يومين انها خالية من الفيروس …

الموضوع حسبته بسيطة .. الفايروس مدة احتضانه ١٤ يوم .. لو سيطرنا على نفسنا كمجتمع ٣ اسابيع .. الازمة تخلص .. لان لو كله التزم .. المصاب مش هيلاقي حد يعديه .. و باذن الله يخف .. و اللي بيحافظ على نفسه تبقى مهمته اسهل عشان كل اللي حواليه فاهم و بيتعاون .

دورك دلوقتي انك تختار السيناريو المناسب ليك .. لو ليك اي سلطة او صوتك مسموع .. وصل صوتك و عرف اللي حواليك ان المعركة عايزة كل شخص .. لو انت يوتيوبر او ليك متابعين على السوشيال ميديا .. كلم اللي عندك و عرفهم ان مافيش حاجة اسمها ناس اه و ناس لا في المعركة دي …
لو عندك حد لسه مقتنع ان الموضوع مؤامرة او انه بعيد عننا .. فهمه ان الكلام ده مش حقيقي .. و ان موقفه السلبي ممكن يتسبب في عدوى لولاده او بيته او زمايله في الشغل .

احنا دلوقتي في نفس الاختبار اللي اتحطت فيه كل الدول اللي قبلنا … و مع انه هو نفس الفيروس … لكن كل دولة حصل فيها حدوتة مختلفة على حسب رد فعل شعبها .. و هل فهموا بعض و وقفوا مع بعض و قاوموا الجهل و قاوموا الاهمال .. والا فضلوا فاكرين ان كل االي حواليهم بيبالغوا.. الحكومة عندنا بتعمل اللي تقدر عليه .. لكن مش هيقدروا يتابعونا في بيوتنا .. لازم كل واحد يبقى مسؤول عن اللي حواليه..

وخليكم فاكرين … في دولة احتفلت بانتهاء الفيروس من مجموعة من مقاطعاتها (محافظاتها)
وفي دولة قالت لشعبها .. ودعوا من تحبون .. فالنهاية قادمة. اللي هيدعم الموقف الصح يعمل شير للبوست او ينسخه في حسابه …   وفعلوا هاش تاج  كورونا_الاسبوع_الثالث  كورونا كورونا_مصر والسعودية وكل الدول العربية
الاسبوع_الثالث ولنا الله  فقد اديتم صلاة فجر الجمعة يا حبايب للأسف فى بيتك
انه القرار  القرار الصحيح السليم هو ده وقته بجد باقى من الزمن بإذن الله لو كان لينا عمر ٣٥ يوم
قولوا دائما يالطيف الالطاف نجينا مما نخاف يامغيث اغيثنا . يامغيث اغيثنا . يامغيث اغيثنا

قولوا عقب كل صلاة  بسم الله الرحمن الرحيم – بسم الله الذى لا يضر مع اسمه شيئ فى الارض ولا فى السماء وهو سبحانه السميع العليم ثلاث وانتم موقنين بقدرة الله على رفع الغمة ورفع الوباء والبلاء عن امتنا المصرية والعربية والاسلامية .